Azərbaycan, Bakı, 26 iyun /Trend, müxbir Hüseyn Vəliyev/
"Bakıda I Avropa Oyunlarında idmançılar üçün ideal şərait yaradılıb". Bu barədə Trend-ə I Avropa Oyunlarının qızıl mükafatçısı, fransalı üzgüçü Nikolya d'Oriano deyib.
İdmançı Atletlər kəndində mükəmməl şəraitin olduğunu qeyd edib: "Atletlər kəndində bizə lazım olan hər şey var. Bundan başqa, Bakıdakı kimi Su İdmanı Sarayı heç yerdə görməmişəm".
Üzgüçü qeyd edib ki, Bakıda başqa idman yarışlarında da iştirak etmək istərdi: "Təəssüratlarım çox yaxşıdır, yenidən bu təəssüratları yaşamaq istərdim".