Azərbaycan, Bakı, 19 avqust /Trend/
Məşhur Britaniya qrupu "The Beatles"-in səsyazma studiyası ilə ilk müqaviləsi sentyabrda Nyu Yorkda "Heritage" auksion evində satışa çıxarılacaq.
Trend bu barədə RIA Novosti-yə istinadən məlumat verir.
Müqavilə 1961-ci ildə kvartetin Almaniyada çıxışı zamanı bağlanıb.
Müqaviləni Con Lennon, Pol Makkartni, Corc Harrison və Pit Best imzalayıb.
Auksion evi sənədin satışından 150 min dollar əldə etməyi planlaşdırır.