Bakı.Trend:
Kəlbəcər rayonu üzrə Azərbaycan Respublikası Nazirlər Kabinetinin 2001-ci il 2 avqust tarixli 132 nömrəli Qərarı ilə 28 tarix-mədəniyyət abidəsi dövlət qeydiyyatına alınıb.
Bu barədə Trend-in sorğusuna cavab olaraq Mədəni İrsin Qorunması, İnkişafı və Bərpası üzrə Dövlət Xidmətindən bildirilib.
Qeyd edilib ki, Kəlbəcər rayonunda yerləşən 28 abidədən 1-i dünya əhəmiyyətli memarlıq (Xudavəng monastırı), 2-i ölkə əhəmiyyətli memarlıq (Lex qalası, monastır) nümunələridir.
Həmçinin açıqlanıb ki, 28 abidədən 3-ü ölkə əhəmiyyətli arxeoloji (Zar mağara düşərgəsi, Qayaüstü təsvirlər, yaşayış yeri), 16-sı yerli əhəmiyyətli memarlıq (Comərd qalası, Qırmızı məbəd və s.) , 1-i yerli əhəmiyyətli bağ-park, monumental və xatirə abidəsi, 5-i isə dekorativ-tətbiqi sənət nümunələridir (Daş qoç fiqurları)",-deyə qurumdan əlavə edilib.