.jpg)
Bakı. Trend:
Yenidən Türkiyə Prezidenti seçilən Rəcəb Tayyib Ərdoğanın hökumətin yeni tərkibini elan edəcəyi ilkin tarix açıqlanıb.
Trend-in məlumatına görə, Türkiyə Prezidentinin mətbuat katibi İbrahim Kalın dövlət başçısının hökumətin yeni tərkibini iyulun 8-dən sonra açıqlaya biləcəyini deyib.
Qeyd edək ki, iyunun 24-də Türkiyədə prezident və parlament seçkiləri keçirilib. Prezident seçkilərində R.T.Ərdoğan 52,5 faiz səslə qalib gəlib. Müxalif Cümhuriyyət Xalq Partiyasından olan Məhərrəm İncə isə səslərin 30,7 faizini toplayıb.
Türkiyə KİV-ləri R.T.Ərdoğanın prezident idarə üsuluna keçmiş Türkiyənin ilk Prezidenti kimi birinci rəsmi səfərinin Şimali Kiprə və Azərbaycana olacağını yazır.