...

“Ali təhsil haqqında” qanun layihəsi ilə bağlı işçi qrupun yaradılması nəzərdə tutulur

Gündəm Materials 24 Yanvar 2019 15:16 (UTC +04:00)
Milli Məclisin yaz sessiyası ərzində “Ali təhsil haqqında” qanun layihəsinin hazırlanması üçün işçi qrupun yaradılması nəzərdə tutulur.
“Ali təhsil haqqında” qanun layihəsi ilə bağlı işçi qrupun yaradılması nəzərdə tutulur

Bakı. İlhamə İsabalayeva - Trend:

Milli Məclisin yaz sessiyası ərzində “Ali təhsil haqqında” qanun layihəsinin hazırlanması üçün işçi qrupun yaradılması nəzərdə tutulur.

Trend-in məlumatına görə, bunu parlamentin Elm və təhsil komitəsinin sədri İsa Həbibbəyli komitənin bu gün keçirilən iclasında çıxış edərkən deyib.

İ.Həbibbəylinin sözlərinə görə, yaz sessiyası ərzində “Ümumi təhsil haqqında” qanun layihəsinin ikinci və üçüncü oxunuşda müzakirəsi də nəzərdə tutulur: “Fevral-mart ayında “Ümumi təhsil haqqında” qanun layihəsi ikinci oxunuşdan keçsə, 3-cü oxunuş apreldə baş tuta bilər. Apreldə isə “Ali təhsil haqqında” qanun layihəsinin hazırlanması üçün iş qrup yaradacağıq”.

MM-in payız sessiyasında komitəyə bir çox müraciətlərin daxil olduğunu deyən millət vəkili qeyd edib ki, bir çox müraciətlər tələbələrin ödənişi ilə bağlı olub.

Komitə sədri əlavə edib ki, sosial müdafiəyə ehtiyacı olan tələbələrin təhsil haqqının ödənilməsi ilə bağlı müraciətləri qanunvericliyə uyğun şəkildə müsbət həll edilib.

Məqalədə:
Xəbər lenti

Xəbər lenti