Bakı. Elçin Mehdiyev – Trend:
Bakının Nargin adası boş qalıb, insanların gedib orada istirahət etməsi üçün şərait yaradılmalıdır.
Trend-in məlumatına görə, bu təkliflə millət vəkili Sabir Rüstəmxanlı parlamentin bu gün keçirilən iclasında deyib.
S.Rüstəmxanlı bildirib ki, vaxtilə Nargin adasında minlərlə insan əsir saxlanılıb, indi orada abidə ucaldılmalıdır: “Orada niyə bir abidə ucaldılmır, niyə insanlar oraya gedib istirahət etmir? Vaxt var idi oraya Çar Rusiyasının əsgərləri gedib istirahət edirdi. Niyə indi o yerlər istifadəsiz qalıb, təmizlənmir. Bir zamanlar bunun qarısını alanlar var idi, amma indi biz müstəqilik, heç kim qarşımızı ala bilməz”.
S.Rüstəmxanlı, həmçinin Bakıda Nuru Paşanın abidəsinin qoyulmasının vacibliyini qeyd edib.
