Bakı. Trend:
Bakı Ağır Cinayətlər Məhkəməsində dələduzluqda təqsirləndirilərək həbs edilən Fuad Əliyevin cinayət işi üzrə məhkəmə prosesi başa çatıb.
Trend-in məlumatına görə, hakim Faiq Qəniyevin sədrliyi ilə keçirilən prosesdə təqsirləndirilən şəxsə hökm oxunub.
Məhkəmənin hökmü ilə F.Əliyev 4 il 5 ay 27 gün azadlıqdan məhrum edilib.
İttihama görə, Fuad Əliyev Cinayət Məcəlləsinin 178.3.2-ci ( dələduzluq, külli miqdarda törədildikdə) maddəsində təqsirləndirilir. O ayrı-ayrı şəxslərə külli miqdarda dələduzluq etməkdə günahlandırılır.