Bakı. Trend:
Rəqəmsal dünyada kibergigiyena qaydalarına əməl etmək onlayn təhlükəsizliyimiz üçün olduqca vacibdir.
Trend onların bəzilərini təqdim edir:
Qeyd olunan qaydaları izləyərək təhlükəsizliyi artırmaq mümkündür.
1) Hesablarınıza böyük-kiçik hərflər, rəqəm və işarələrdən təşkil olunmuş ən azı 10 simvoldan ibarət şifrələr təyin edin;
2) Mobil və kompüter cihazlarında antivirus proqramlarından istifadə edin;
3) Hesablarınızda ikimərhələli identifikasiya funksiyasını aktivləşdirin;
4) Cihazlarınızda yeniləmələrlə bağlı bildirişləri açıq saxlayın və bildiriş daxil olduqda yeniləməni mütləq başladın;
5) Hesablarınıza şübhəli mənbələrdən göndərilmiş mesajların tərkibindəki faylları yükləməyin və yaxud keçidlərə klik etməyin;
6) Mobil tətbiqləri və proqram təminatlarını yalnız rəsmi mənbələrdən yükləyin;
7) İctimai Wİ-Fi şəbəkəsi vasitəsilə fərdi məlumatlarınızı ötürməyin və onlayn hesablarınıza daxil olmayın;
8) Tətbiqləri quraşdırarkən tətbiq tərəfindən tələb olunan icazələri nəzərdən keçirin;
9) Cihazlarınızdakı məlumatların mütəmadi olaraq ehtiyat nüsxəsini yaradın;
10) Fərdi məlumatlarınızı daxil etməzdən öncə veb-saytın rəsmi və etibarlı mənbə olduğundan əmin olun;
11) Mobil cihazınızı atmadan və ya başqa şəxslərə birdəfəlik istifadəyə vermədən əvvəl fabrik ayarlarını sıfırlayın.
Kibergigiyena qaydalarına əməl etməyi unutmayın.