Bakı. Trend:
Azərbaycandan növbəti dəfə Ukraynaya humanitar yardım yola salınıb.
Trend xəbər verir ki, humanitar yardım Ukrayna tərəfindən daxil olmuş müraciəti nəzərə alaraq, Prezident İlham Əliyevin tapşırığı ilə təşkil olunub.
Humanitar yüklər su borularından, suyun vurulması üçün nasoslardan, xilasedici jiletlərdən ibarətdir.
Eyni zamanda Ukraynaya xilasetmə əməliyyatlarında istifadə olunan texnika və gəmilər üçün nəzərdə tutulmuş 20 ton yanacaq da göndərilib.
Qeyd edək ki, humanitar yüklər təyyarə ilə Bakıdan Polşaya, oradan isə Ukraynaya çatdırılacaq.
