Bakı. Trend:
NATO-ya üzv ölkələrinin liderləri gələn il ərzində Ukraynaya ən azı 40 milyard avro yardım ayırmağı planlaşdırdıqlarını açıqlayıblar.
Trend-in məlumatına görə, bu barədə NATO sammitindən sonra verilən bəyanatda deyilib.
"Müttəfiqlər gələn il ərzində minimum 40 milyard avro məbləğində əsas maliyyələşdirməni təmin etmək niyyətindədirlər", - deyə bəyanatda qeyd olunub.
Bundan əvvəl bu məbləğin təxminən yarısının Avropa ölkələri, qalan hissəsini isə Şimali Amerika müttəfiqləri tərəfindən ödəniləcəyi bildirilirdi.