Kalmıkiya Respublikası daxili işlər nazirinin müavini Beatr Qindiyev bəyan edib ki, burada yerli əhali və azərbaycanlılar arasında baş verən kütləvi savaş milli ədavət zəminində baş verməyib, " Radio Svoboda "-nın verdiyi məlumatda bildirilir.
Hüquq- mühafizə orqanlarının məlumatına görə, toqquşmanın səbəbkarlarının adları müəyyənləşdirilib. Ötən cümə günü "Artezian" dəmir yol stansiyasında 60-a yaxın yerli əhali "Bakı-Tümen" marşrutu ilə irəliləyən qatara basqın edib, bundan əvvəlsə, qatarda basqınçıların qohumları və Azərbaycandan olan sərnişinlər arasında dava başlayıb.
Rəsmi məlumatlara görə, 12 nəfər xəsarət alıb, onlardan 8-i azərbaycanlıdır. Faktla bağlı cinayət işi qaldırılıb.
Trend-in ən mühüm və maraqlı xəbərlərini "Telegram"da izləyin
.jpg)
