Azərbaycan,Bakı,19 may / Trend , müxbir K.Zərbalıyeva/ Mingəçevirdə baş vermiş yol qəzası nəticəsində 4 nəfər həlak olub.
DİN-in mətbuat xidmətindən bazar ertəsi verilən məlumata görə, dünən saat 17.20 radələrində Mingəçevir şəhərində, şəhər sakini Etibar Allahverdiyev "VAZ-2107" markalı avtomaşını idarə edərkən onu ağaca vuraraq aşırıb.
Qəza zamanı Allahverdiyevin sərnişinlərindən Azad Şahbazov və Rövşən Məmmədov hadisə yerində, sürücü özü və Tərtər rayon sakini Mehman Əhmədov isə xəstəxanada ölüb.
Faktla bağlı Mingəçevir şəhər Polis İdarəsi tərəfindən araşdırma aparılır.
Müəlliflə əlaqə saxlamaq üçün elektron ünvan - [email protected]