Azərbaycan, Bakı, 20 may/ Trend , müxbir İ.Əlizadə/ Azərbaycanda rus icmasının Qərb bölgəsi üzrə nümayəndəliyinin sədr müavini tamah məqsədi ilə qətlə yetirilib. "Nəzərli Nadejda Dmitriyevnanın qətlə yetirilməsi milli ədavət zəmnində baş verməyib", -deyə çərşənbə axşamı Trend -a açıqlamasında Azərbaycanda rus icmasının rəhbəri, millət vəkil Mixail Zabelin bildirib.
Azərbaycanın qərb bölgəsində yerləşən Gəncə şəhər Həsənli qardaşları, ev 6 ünvanında yaşayan 68 yaşlı Nəzərli Nadejda Dmitriyevna mayın 14-də yaşadığı mənzildə naməlum şəxslər tərəfindən bıçaqla qətlə yetirilib.
Gəncə şəhər prokurorluğundan bildirilib ki, faktla bağlı Gəncə şəhər prokurorluğunda Cinayət Məcəlləsinin qəsdən adamöldürmə (120.1) maddəsi ilə cinayət işi açılıb. Nadejda Dmitriyevnanın üzərində zorakılıq əlamətləri müəyyən olunub. Mərhumun mənzili dağınıq vəziyyətədə olub.
Zabelin qeyd edib ki, Azərbaycanda yaşayan ruslar Milli zəmində heç bir problemlə üzləşmirlər.
Məqalə müəllifi ilə əlaqə ünvanı: [email protected]