Azərbaycan, Qazax, 20 may / Trend müxbir N.Fətullayeva/ Azərbaycanın qərbində yerləşən Ağstafa rayonunda ağır cinayət hadisəsi baş verib. Trend -un bölgə müxbirinin məlumatına görə, mayın 20-nə keçən gecə Ağstafa rayonunun Dağkəsəmən kənd sakini, 1986-cı il təvəllüdlü Alik Ələsgər oğlu Məmmədov həmkəndlisi, 1981-ci ildə anadan olmuş İlqar Zabit oğlu Namazovu bıçaqla qətlə yetirib.
Ağstafa rayon Prokurorluğundan bildiriblər ki, Məmmədov bacısını söydüyü üçün əvvəlcə Namazovun qulağını kəsib, daha sonra onu amansızcasına qətlə yetirib.
Məmmədov cinayəti törətdikdən sonra polisə könüllü təslim olub.
Faktla bağlı Azərbaycanın Cinayət Məcəlləsinin qəsdən adamöldürmə (120.1) maddəsilə cinayət işi açılıb və araşdırma aparılır.
Ağstafa paytaxt Bakıdan 420 kilometr qərbdə yerləşir.
Məqalə müəllifi ilə əlaqə ünvanı: [email protected]
