Azərbaycan, Şəki, 30 may / Trend , müxbir E.Quliyev/ Dünən axşam saatlarında respublikanın şimal-qərb bölgəsində əsən güclü külək rayonları işıqsız qoyub.
Güclü külək Şəkinin Şəki kəndində bir evi uçurub. Rayonun təsərrüfatlarına ciddi ziyan dəyib, evlərin dam örtükləri, elektrik dirəkləri ucub, meyvə-tərəvəz sahələri məhv olub.
Şəki şəhərində 15 maşın aşan ağacların altında qalıb. Bölgəyə elektrik enerjisinin verilməsi dayandırılıb.
Dünən axşam Şəki şəhərində və Yevlax-Balakən avtomobil yolunda nəqliyyatın hərəkətində problemlər yaranıb.
Rayonda yaradılmış Fövqəladə Hallar Komissiyası küləyin rayona və təsərrüfatlara vurduğu zərərin məbləğini müəyyənləşdirir, qasırğanın nəticələrinin aradan qaldırılması üçün iş aparılır.
Müəlliflə əlaqə saxlamaq üçün elektron ünvan - [email protected]
