Azərbaycan, Bakı, 21 oktyabr / Trend , müxbir S.Kazımlı / Bakının Nəsimi rayonu ərazisində "Nobel Fash" kişi geyimləri mağazasının menecerinin avtomobilindən pul, bəzək əşyaları və sənədlər oğurlanıb.
Nəsimi rayon Polis İdarəsindən (RPİ) çərşənbə axşamı Trend - a verilən məlumata görə, oktyabrın 19 - dan 20 - nə keçən gecə Ənvər Qasımzadə küçəsində naməlum şəxs "Nobel Fash" kişi geyimləri mağazasında meniceri işləyən, Bakı sakini, Yeganə Kamil qızı Novruzovaya məxsus "Hunday" markalı avtomobilin süşəsini sındıraraq, avtomobildə olan 50 avronu, 80 manatı, 1100 ABŞ dollarını, kosmetka əşyalarını və sənədlərı oğurlayıb.
Hazırda hadisəni törədən şəxsin müəyyən edilib tutulması üçün polis əməkdaşları tərəfindən əməliyyat - axtarış tədbirləri davam etdirilir.
Faktla bağlı Nəsimi RPİ - də Azərbaycan Cinayət Məcəlləsinin xeyli miqdarda ziyan vurmaqla oğurluq törədilməsi ( 177. 2 . 4-cü ) və vətəndaşın şəxsiyyət vəsiqəsini, pasportunu və ya digər mühüm şəxsi sənədini oğurlama (326.2 - ci) maddələri ilə cinayət işi başlanılıb, istintaq aparılır.
Məqalə müəllifi ilə əlaqə ünvanı:[email protected]
