Azərbaycan, Bakı, 05 noyabr / Trend , müxbir S.Kazımlı / Bakının Nərimanov rayonunda yerləşən Elmi-Texniki İnformasiya və Metodologiya Mərkəzinin direktor müavininin xeyli miqdarda pulu oğurlanıb.
"Hadisəni törədən şəxs pəncərədən otağa daxil olaraq sefydən pulları aparıb", - çərşənbə günü Trend -a Nərimanov rayon Polis İdarəsindən (RPİ) məlumat verilib.
Məlumatda bildirilir ki, noyabrın 3-dən 4-nə keçən gecə naməlum şəxs Elmi-Texniki İnformasiya və Metodologiya Mərkəzinin direktor müavini vəzifəsində işləyən, 60 yaşlı Bakı sakini Ramiz Rəfiyevin iş otağındakı seyfdən ona məxsus 4 min manat pulu oğurlayıb.
Hazırda hadisəni törədən şəxsin müəyyən edilib, tutulması üçün polis əməkdaşları tərəfindən operativ qrup yaradılaraq, əməliyyat-axtarış tədbirləri həyata keçirilir.
Faktla bağlı Nərimanov RPİ-də Azərbaycan Cinayət Məcəlləsinin yaşayış sahəsinə, habelə binaya, anbara və ya başqa saxlanc yerlərinə qanunsuz daxil olmaqla oğurluq törədilməsi (177.2.3-cü) və xeyli miqdarda ziyan vurmaqla oğurluq törədilməsi (177.2.4-cü) maddələri ilə cinayət işi başlanılıb, istintaq aparılır.
Məqalə müəllifi ilə əlaqə ünvanı:[email protected]
