Azərbaycan, Bakı, 06 fevral / Trend , müxbir M.Əliyev/
Ötən gecə Bakının Şərifzadə prospektində, "İnşaatçılar" metrostansiyasının çıxışında bir neçə ticarət obyekti yanıb. Bu barədə Trend -a şənbə günü Azərbaycan FHN-in Dövlət Yanğın Nəzarəti Xidmətinin Yasamal rayon bölməsindən məlumat verilib.
150 kvadratmetrlik ərazidə baş vermiş yanğın zamanı şirniyyat mağazası, kafe, dəftərxana ləvazimatları mağazası tamamilə yanıb.
Bölmədən bildiriblər ki, yanğının səbəbləri araşdırılır.