Azərbaycan, Bakı, 28 iyul /Trend, müxbir K.Zərbalıyeva/
Bakıda beşmərtəbəli yaşayış binasında yanğın baş verib.
Nəsimi rayon Polis İdarəsinin 19-cu polis bölməsindən çərşənbə günü Trend-ə verilən məlumata görə, "Memar Əcəmi" metrosu yaxınlığında, Cavadxan küçəsindəki beşmərtəbəli binada baş verən yanğın binanın 3, 4 və 5-ci mərtəbələrini əhatə edib.
Bölmədən bildirilib ki, yanğın söndürülüb.
Hadisə zamanı sakinlərdən bir qadın və yanğından mühafizə xidmətinin bir əməkdaşı xəsarət alıb.
Yanğının səbəbi hələlik məlum deyil.