Azərbaycan, Bakı, 13 avqust /Trend, müxbir K.Zərbalıyeva/
Bakının mərkəzində bu gün səhər saatlarında yaşayış evində partlayış baş verib, 3 nəfər xəsarət alıb. Bakı Şəhər Nərimanov Rayon Prokurorluğundan cümə günü Trend-ə məlumat verilib.
Məlumata görə, partlayış Nəsimi rayonu, Rəsul Rza küçəsindəki mənzillərin birində olub.
İlkin məlumata görə, partlayış qaz sızmasından baş verib.
Hazırda Fövqəladə Hallar Nazirliyinin əməkdaşları hadisə yerində araşdırma aparır.
5 saylı Kliniki Xəstəxananın yanıq şöbəsindən isə Trend-ə bildirilib ki, xəstəxanaya 3 yaralı gətirilib. Yaralılar bir ailənin üzvləri - ata, ana və uşaqlarıdır.
Məlumata görə, ev sahibinin vəziyyəti ağırdır və reanimasiyaya yerləşdirilib.