Azərbaycan, Bakı, 24 yanvar /Trend, müxbir Y.Ostapenko/
Domodedovo aeroportunda baş verən partlayışda azərbaycanlıların olub-olmadığı araşdırılır. Bu barədə bazar ertəsi Trend-ə Azərbaycanın Rusiyadakı səfiriyindən məlumat verilib.
Partlayış Domodedovo aeroportunun beynəlxalq terminalında saat 16:40-da baş verib. Ölənlərin sayının 31-ə çatdığı, yaralıların isə 130 nəfər olduğu bildirilir.
Domodedovo aeroportunda partlayış nəticəsində həlak olan və xəsarət alanlar var. Trend-in məlumatına görə, bunu Rusiya Aviasiyası İdarəsinin nümayəndəsi Sergey İzvolski təsdiq edib. Məlumatı RİA Novosti yayıb.
"Beynəlxalq reyslərin uçub gəlmə zalında saat 16:37-də partlayış olub, həlak olan və yaralananlar var", - o bildirib.
Rusiya Aviasiya İdarəsinin rəhbəri Aleksandr Neredko aeroporta gəlib.
İlkin ehtimala görə, Domodedovo aeroportunda partlayışı intihar etməklə terrorçu törədib.