Azərbaycan, Bakı, 13 avqust /Trend/
Ermənistan silahlı qüvvələrinin atəşkəsi pozması nəticəsində Azərbaycan Ordusunun əsgəri yaralanıb.
Trend-in məlumatına görə, hadisə avqustun 12-də qeydə alınıb. Ermənilərin Azərbaycanın Göygöl rayonu istiqamətində açdığı atəş əsgər Mirzəyev Kamil Elbəyi oğluna dəyib. 2010-cu ilin oktyabr ayında Masallı Hərbi Komissarlığından hərbi xidmətə çağırılan 1992-ci il təvəllüdlü əsgər qolundan yaralanıb.
Müdafiə Nazirliyinin mətbuat xidmətinin rəis müavini Teymur Abdullayev Trend-ə əsgərin yaralanma faktını təsdiqləyib.
Onun vəziyyəti normallaşıb, həyatı üçün təhlükə yoxdur.