Sonuncu abzas əlavə olunub. İlk xəbər 10:47-də yayılıb.
Azərbaycan, Bakı, 15 may / Trend müxbir K.Zərbalıyeva/
Bu gün Zaqatalada ikinci dəfə zəlzələ olub.
AMEA-nın Respublika Seysmoloji Xidmət Mərkəzindən Trend-ə verilən məlumata görə, yerli vaxtla saat 09:54-də Zaqataladan 3,4 km cənub-şərqdə zəlzələ qeydə alınıb.
Zəlzələ episentrdə 5 bala yaxın, episentrə yaxın yaşayış məntəqələrində 4-3 bala qədər hiss olunub.
Bu gün saat 05:30-da Zaqatala şəhərindən 3 km cənubda birinci zəlzələ qeydə alınıb.
Qeyd edək ki, mayın 7-də səhər saatlarında Zaqatalada 7 bal gücündə zəlzələ qeydə alınmışdı. Həmin gün Zaqatalada daha 8 zəlzələ baş vermişdi. Nəticədə rayonda 3 minə yaxın ev, 124 sosial obyekt uçub və ya tam qəzalı vəziyyətdədir. İnsan ölümü və ciddi xəsarət alan yoxdur.
Bu gün yerli vaxtla saat 10:18-də Zaqataladan 13 km qərbdə üçüncü zəlzələ qeydə alınıb. Zəlzələ episentrdə 3,5 bal ,epsentrə yaxın yaşayış məntəqələrində 3-2 bal gücündə hiss olunub. İnsan təlafatı yoxdur.