Azərbaycan, Bakı, 12 sentyabr /Trend/
Müstəntiqlər Ümumrusiya Azərbaycanlıları Konqresinin Ulyanovsk regional şöbəsinin rəhbəri İslam Hüseynova qarşı sui-qəsd törədən şəxsin kimliyini müəyyənləşdiriblər. Bu barədə Trend RİA Novosti-yə istinadən məlumat verir.
"Mühafizə orqanlarının əməkdaşları hücum edənlərdən birinin şəxsiyyətini müəyyənləşdiriblər. Məlumata əsasən, hücuma məruz qalan şəxsin uzun müddət onunla əlaqəsi olub", - məlumatda deyilir.
Qeyd edək ki, sentyabrın 11-də günorta satlarında iki naməlum şəxs təşkilatın yerləşdiyi məkana daxil olaraq şöbə rəhbərinə və mühafizəçisinə odlu silahdan bir neçə dəfə atəş açıb. Hüseynovun mühafizəçisi hadisə yerində ölüb.