Azərbaycan, Bakı, 5 dekabr /Trend, müxbir İ.İsabalayeva/
Azərbaycanın Balakən rayonunda zəlzələ olub.
Respublika Seysmoloji Xidmət Mərkəzindən çərşənbə günü Trend-ə verilən məlumata görə, yerli vaxtla saat 15:50-də Zaqataladan 31 km qərbdə, Balakən-Gürcüstan sərhədində zəlzələ qeydə alınıb.
Zəlzələ Balakən rayonunda 3 bala qədər hiss olunub.
Tikililərdə dağıntı yoxdur.
Balakəndə bu gün ikinci zəlzələ olub. Yerli vaxtla saat 17:13-də Zaqataladan 29 km qərbdə, Balakən-Gürcüstan sərhədində zəlzələ qeydə alınıb. Zəlzələ Balakən rayonunda 3 bala qədər hiss olunub.
İlkin məlumatlara əsasən, üçüncü zəlzələ yerli vaxtla saat 17:43-də Zaqataladan 28 km qərbdə, Balakən-Gürcüstan sərhədində qeydə alınıb. Zəlzələ Balakən ərazisində 2 bala qədər hiss olunub. Tikililərdə dağıntı yoxdur.
Dördüncü zəlzələ isə yerli vaxtla saat 17:50-də Zaqataladan 27 km qərbdə, Balakən-Gürcüstan sərhəddində qeydə alınıb. Zəlzələ Balakən ərazisində 2 bala qədər hiss olunub. Tikililərdə dağıntı yoxdur.