Azərbaycan, Bakı, 13 dekabr /Trend, müxbir K.Zərbalıyeva/
Bakıda 9 mərtəbəli binada başlayan yanğının yayılmasının qarşısı alınıb.
Fövqəladə Hallar Nazirliyinin Yasamal rayon Yanğından Mühafizə Xidmətindən Trend-ə bildirilib ki, Bəsti Bağırova küçəsi, 9 saylı doqquzmərtəbəli binanın 3-cü mərtəbəsində baş verən yanğının ətraf mənzillərə və mərtəbələrə yayılmasının qarşısı alınıb. Hazırda yanğının tam söndürülməsi işlər aparılır.
Xidmətdən bildirilib ki, ilkin məlumata görə, hadisə zamanı xəsarət alan olmayıb. Binanın sakinləri təxliyə olunub.
Xidmətdən daha sonra Trend-ə deyiblər ki, artıq yanğın tam söndürülüb.