Azərbaycan, Bakı, 11 fevral /Trend, müxbir İ.İzzət/
"102" Zəng Mərkəzinə zəng edərək yalan məlumat verənin şəxsiyyəti müəyyən edilib.
Daxili İşlər Nazirliyinin mətbuat xidmətindən Trend-ə verilən məlumata görə, "102" Zəng Mərkəzinə zəng edərək Xırdalanda məktəbə bomba qoyulması barədə yalan məlumat verən şəxs müəyyən edilib. Həmin şəxsin Masallı rayon sakini Yusif Mikayılov olduğu aydınlaşıb.
Qeyd edək ki, fevralın 9-da saat 16:56-da naməlum şəxs telefonla "102" Zəng Mərkəzinə zəng edərək, "Xırdalan şəhərindəki 2 saylı orta məktəbə bomba qoymuşam" deyərək dəstəyi asmışdı.
Növbətçi Hissələri İdarəetmə Xidməti və Abşeron Rayon Polis Şöbəsinin əməkdaşlarının gördüyü müvafiq tədbirlər nəticəsində məlumat təsdiqini tapmamışdı.