Azərbaycan, Bakı, 12 aprel /Trend, müxbir İ.İzzət/
Daxili Qoşunların Bakıdakı "N" saylı hərbi hissəsində əsgər ölümü baş verib.
Daxili Qoşunların mətbuat xidmətindən Trend-ə bildiriblər ki, aprel ayında Səfərbərlik və Hərbi Xidmətə Çağırış üzrə Dövlət Xidmətinin Saatlı Rayon Şöbəsi tərəfindən həqiqi hərbi xidmətə çağırılan 1995-ci il təvəllüdlü Hüseynov Fərman Sarvan oğlu hərbi hissənin yataqxanasının 3-cü mərtəbəsinin pəncərəsindən yıxılıb. Nəticədə əsgər Hüseynov ağır xəsarətlərlə hospitala yerləşdirilsə də, həkimlər onun həyatını xilas edə bilməyiblər.
Mətbuat xidmətindən verilən məlumata görə, əsgər Hüseynov hərbi hissəyə aprelin 9-da gətirilib və onun adı hələ heç Daxili Qoşunların adlar siyahısına da salınmayıb.
Hazırda hadisənin hansı səbəblərdən baş verməsi istiqamətində araşdırma aparılır.