Azərbaycan, Bakı, 8 iyun /Trend/
ABŞ-ın Kaliforniya ştatında silahlı şəxsin ətrafa atəş açması nəticəsində 6 nəfər həlak olub. Atəş açan şəxs isə polis tərəfindən ölmüş vəziyyətdə tapılıb.
Trend-in Türkiyə istinadən verdiyi məlumata görə, Los Anceles şəhərində mübahisə etdiyi atası və qardaşını vuraraq öldürdükdən sonra evi gülləbaran edən həmin şəxs daha sonra Santa Monika Universiteti yaxınlığında ətrafa atəş açaraq 2 nəfəri öldürüb. Universitetin kitabxanasına girən qatil burada da 2 nəfəri güllələyərək öldürüb.
Universitet tələbələri böyük qorxu və təşviş içində olublar.
Hadisə şahidləri həmin şəxsin polislə atışma nəticəsində öldüyünü bildirirlər.
Ərazidə olan bütün məktəblər təhlükəsizliyə görə bağlanılıb.