Azərbaycan, Bakı, 9 iyun /Trend/
Liviyanın Benqazi şəhərində Müdafiə Nazirliyinin qulluqçularının iştirakı ilə hərbi briqadalarla dinc sakinlər arasında silahlı qarşıdurma nəticəsində ölənlərin sayı 25 nəfərə çatıb. Trend-in məlumatına görə, bu barədə "Reuters" agentliyi xəbər yayıb.
Qarşıdurma ölkənin Müdafiə Nazirliyinin dəstəklədiyi silahlı dəstələrlə həmin dəstələrin qanuniləşdirilməsinin əleyhinə olan şəxslər arasında baş verib.
Hadisə nəticəsində xəsarət alanların sayı 70-i ötüb.
Qeyd edək ki, bundan əvvəl 11 nəfərin öldüyü, 58 nəfərin xəsarət aldığı bildirilirdi.