Azərbaycan, Bakı, 7 avqust /Trend, müxbir A.Tağıyeva/
Türkiyənin Bursa vilayətinin Keles rayonu ərazisində yerləşən həbsxanada yanğın baş verib. Bu barədə Trend "Sabah" qəzetinə istinadən məlumat verir.
Məlumata görə, yanğını həbsxanadakı məhbuslar törədiblər. Yanğına səbəb məhbusların həbsxana şəraitindən narazı qalması olub.
Həbsxanada ümumilikdə 50 məhbus cəza çəkir. Hadisə yerinə yanğınsöndürən maşınlar və təcili tibbi yardım briqadaları cəlb edilib.