Azərbaycan, Bakı, 7 avqust /Trend, müxbir İ.İzzət/
Bakıda vətəndaşların etimadından sui-istifadə edərək dələduzluq yolu ilə onların pullarını mənimsəmiş şəxs tutulub.
Trend Daxili İşlər Nazirliyinin rəsmi saytına istinadən xəbər verir ki, Nəsimi Rayon Polis İdarəsinin 22-ci polis bölməsi əməkdaşlarının keçirdikləri əməliyyat-axtarış tədbirləri nəticəsində iyulun 15-də Adil Hümbətovun və Sevda Nüsrətovanın etimadlarını qazanaraq dələduzluq yolu ilə onlardan müvafiq olaraq 3000 və 5000 manat pul almış Bakı şəhər sakini Eldar Səmədov tutulub.