Azərbaycan, Bakı, 11 mart /Trend, müxbir R.Hafizoğlu/
Türkiyənin İstanbul şəhərində Çağlayan ədliyyəsinin binasına naməlum şəxslər tərəfindən silahlı basqın olub. Trend-in məlumatına görə, bu barədə Türkiyənin "TRT Haber" telekanalı xəbər verib.
Məlumata əsasən, silahlı basqın nəticəsində biri qadın olmaqla, iki nəfər ağır yaralanıb.
Məlumatda o da qeyd olunur ki, hazırda silahlı basqını hazırlayan şəxslərin axtarışına başlanılıb.