Azərbaycan, Bakı, 26 mart /Trend, müxbir İ.İzzət/
Sumqayıtda mağazadan oğurluq etmək istəyən şəxs saxlanılıb.
Sumqayıt Şəhər Polis İdarəsindən Trend-ə verilən məlumata görə, Sumqayıtda paltar mağazasından oğurluğa cəhd göstərmiş şəxs obyektin sahibi tərəfindən saxlanılıb. Daha sonra hadisə yerinə gələn polis əməkdaşları oğurluğa cəhd etmiş şəxsin kimliyini müəyyən ediblər.
Məlum olub ki, oğurluğa cəhd göstərmiş şəxs əvvəllər də məhkum olunmuş Kiçiknicat Arif Mirzağa oğludur. Hazırda A.Kiçiknicatın ətrafında əməliyyat-istintaq tədbirləri davam etdirilir, saxlanılan şəxsin digər oxşar başqa cinayətlərdə əli olub-olmadığı araşdırılır.