Azərbaycan, Bakı, 19 iyul /Trend/
Abşeron sakinindən saxta əskinzalar götürülüb.
Trend DİN-in saytına istinadən xəbər verir ki, Sumqayıt ŞPİ əməkdaşlarının iyulun 18-də keçirdikləri əməliyyat-axtarış tədbirləri nəticəsində Abşeron rayon sakini, əvvəllər məhkum olunmuş Anar Əliyevdən 53 ədəd saxta 100 manatlıq əskinas götürülüb.
Ətrafında aparılmış əməliyyat tədbirləri ilə onun əskinasları Bakı şəhər sakini Rövşən Məmmədovla birgə hazırlaması müəyyən edilib.
R.Məmmədovun Binəqədi rayonu Biləcəri qəsəbəsindəki evinə baxış zamanı 1 ədəd rəngli printer aşkar edilib.