Azərbaycan, Bakı, 25 iyul /Trend, müxbir İlkin İzzət/
Saatlı rayonu Çolpı kənd sakininin həyətində silah-sursat aşkar edilib.
Trend Daxili İşlər Nazirliyinin rəsmi saytına istinadən məlumat verir ki, Saatlı RPŞ əməkdaşlarının keçirdikləri əməliyyat-axtarış tədbirləri nəticəsində Çolpı kənd sakini Hasil Əhmədovun həyətinə baxış zamanı 1 ədəd "AK-74" markalı silah, 2 ədəd patron darağı və 21 ədəd müxtəlif çaplı patron aşkar edilərək götürülüb.
Bundan başqa, Suraxanı rayonunun əməkdaşlarının keçirdikləri əməliyyat-axtarış tədbirləri nəticəsində rayonun M.Mustafayev küçəsində Ağdam rayon sakini, əvvəllər məhkum olunmuş Vaqif Allahyarovdan "AK" markalı silah götürülüb.