Azərbaycan, Bakı, 30 iyul /Trend/
Sumqayıt sakini dərmandan zəhərlənib.
Trend Daxili İşlər Nazirliyinin rəsmi saytına istinadən məlumat verir ki, iyulun 21-də Sumqayıt şəhər sakini Hüseynbala Süleymanov evində dərmandan zəhərlənib.
Xəstəxanaya yerləşdirilmiş H.Süleymanov orada ölüb.
Bundan başqa, iyulun 25-də Abşeron rayonunda kimyəvi məhluldan zəhərlənmə ilə xəstəxanaya yerləşdirilmiş Gülcənnət Zərbəliyeva 3 gün sonra orada ölüb.
Həmçinin, iyulun 28-də Abşeron rayonunun Xırdalan şəhər sakini Xəyyam Xələfov evində sirkə turşusundan zəhərlənib.
X.Xələfov xəstəxanaya yerləşdirilib.
İyulun 29-da Qəbələ rayon sakini Orxan Məmmədxanov dərmandan, Gəncə şəhər sakini Arzu Hüseynova sirkə turşusundan, Göygöl rayon sakini Ozal Hacılı isə kimyəvi məhluldan zəhərlənmə ilə xəstəxanalara gətiriliblər.