Azərbaycan, Bakı, 13 sentyabr /Trend, müxbir İlkin İzzət/
Bakıda 2 gün öncə avtomobillə vurulan 56 yaşlı qadın xəstəxanada ölüb.
Bakı Şəhər Baş Polis İdarəsinin mətbuat xidmətindən Trend-ə verilən məlumata görə, sentyabrın 11-də Xətai rayonu, Sadıqcan küçəsində Bakı şəhər sakini Sahib İsmayılov idarə etdiyi "Hyundai" markalı avtomobillə 1958-ci il təvəllüdlü piyada Mirvari Əhmədovanı vurub.
M.Əhmədova xəsarətlə xəstəxanaya daxil olub. Lakin həkimlərin səyinə baxmayaraq, onun həyatını xilas etmək mümkün olmayıb və 56 yaşlı qadın sentyabrın 12-də orada ölüb.