Azərbaycan, Bakı, 15 sentyabr /Trend, müxbir İlkin İzzət/
İsmayıllı rayonunun İvanovka kənd sakini tapdığı silah-sursatı təhvil verib.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, İsmayıllı rayonunun İvanovka kənd sakini Viktor Minnikov 2 ədəd qumbara, 117 ədəd müxtəlif çaplı patrton və 2 ədəd alışdırıcı tapıb.
V.Mennikov tapdığı silah-sursatı könüllü olaraq İsmayıllı Rayon Polis Şöbəsinə təhvil verib.
Faktla bağlı əməliyyat-istintaq tədbirləri həyata keçirilir.