Azərbaycan, Bakı, 24 yanvar /Trend, müxbir İlhamə İsabalayeva/
Bakı-Şamaxı yolunda "FORD" markalı yük avtomobili aşıb, sürücü dünyasını dəyişib.
Trend Fövqəladə Hallar Nazirliyinin saytına istinadən xəbər verır ki, Bakı-Şamaxı yolunun 133-cü kilometrliyində- Şamaxı rayonu ərazisində 1930-cu il təvəllüdlü Bayramov Kamil Musa oğluna məxsus "FORD" markalı yük avtomobili yol kənarına aşıb.
Yanğınsöndürən-xilasedicilər avtomobilin altında sıxılmış vəziyyətdə qalmış K.Bayramovun cəsədini çıxararaq aidiyyəti üzrə təhvil veriblər.