Azərbaycan, Bakı, 12 mart /Trend/
Xəzər dənizində 4,7 bal gücündə zəlzələ baş verib.
Trend Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin saytına istinadən bildirir ki, yeraltı təkanlar martın 12-də, yerli vaxtla saat 04:42-də, Astara rayonundan 13 km cənubi-şərqdə, 48 km dərinlikdə qeydə alınıb.
Zəlzələ yaxın yaşayış məntəqələrində 4-3 bala qədər hiss olunub.