Azərbaycan, Bakı, 6 noyabr /Trend, müxbir Elmir Murad/
Hacıqabul rayonunda yol-nəqliyyat hadisəsi baş verib.
Daxili İşlər Nazirliyindən Trend-ə verilən məlumata görə, hadisə Muğan qəsəbəsində qeydə alınıb. Qəsəbədə yerləşən otlaq sahəsində Quba rayon sakini Mətləb Fərəcov idarə etdiyi "Niva" markalı avtomobili aşırıb. Hadisə nəticəsində M.Fərəcov və 3 sərnişini xəstəxanaya yerləşdirilib. Xəsarət alan sərnişinlərdən biri Qabil Rəhimovun həyatını xilas etmək mümkün olmayib.
Faktla bağlı Hacıqabul Rayon Polis Şöbəsi tərəfindən araşdırma aparılır.