Bakı. Samir Əli - Trend:
Azərbaycanda polis narkotik maddələrin qanunsuz dövriyyəsi ilə bağlı növbəti əməliyyat keçirib.
Trend-in Daxili İşlər Nazirliyinin saytına istinadən yaydığı məlumata görə, Cəlilabad rayon Polis şöbəsi əməkdaşlarının həyata keçirdikləri əməliyyat-axtarış tədbirləri nəticəsində şəhər sakini Zülfüqar Nadirovdan 13 kiloqram 520 qram tiryək götürülüb.
Həmin gün Ucar RPŞ əməkdaşlarının həyata keçirdikləri əməliyyat-axtarış tədbirləri nəticəsində isə Ağcabədi rayon sakinləri, əvvəllər məhkum olunmuş Elxan Əsgərov və Ruslan Süleymanov 4 kiloqram 175 qram marixuananı satarkən tutulublar.