Bakı. Trend:
Bakıda kompyuter salonlarına qənim kəsilmiş şəxs saxlanılıb. Trend-ə Daxili İşlər Nazirliyindən verilən məlumata görə, Nərimanov RPİ 18-ci PB və Metropolitendə Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində fevralın 23-də Bakı şəhər sakini Müzəffər Məmmədova məxsus kompyuter salonundan oyun aparatı oğurlamış paytaxt sakini, əvvəllər məhkum olunmuş Ayaz Məhərrəmov tutulub.
Onun ətrafında aparılmış əməliyyat tədbirləri ilə onun daha 7 nəfərə məxsus kompyuter salonlarından oyun aparatı və məişət əşyaları oğurlaması da müəyyən edilib.