Bakı. Trend:
Samux sakini çayda boğulub.
Trend Daxili İşlər Nazirliyinin saytına istinadən məlumat verir ki, iyunun 10-da Samux rayonunun Qarayeri qəsəbəsində qəsəbə sakini Kamil İlyasov at arabası ilə Qoşqar çayını keçərkən araba aşıb və o, çaya düşərək boğulub. Meyit sudan çıxarılıb.
Bundan başqa, iyunun 10-da İsmayıllı rayonunun Qaraqaya kəndi ərazisindəki istirahət mərkəzlərindən birində rayon sakini Ramin Muradov oradakı süni göldə çimərkən boğulub.
Hər iki fakt üzrə araşdırma aparılır.