Bakı. Trend:
Metronun “28 May” stansiyasında Lerik rayon sakini F.Məmmədzadənin cibindən mobil telefon oğurlamaqda şübhəli bilinən V.Nəcəfov saxlanılıb.
DİN-dən Trend-ə verilən məlumata görə, V.Nəcəfov Bakı BPİ-nin Metropolitendə Polis Şöbəsi əməkdaşlarının keçirdikləri əməliyyat-axtarış tədbirləri nəticəsində tutulub.
O, ötən il dekabrın 2-də metronun “28 May” stansiyasının platformasında Lerik rayon sakini Fatimə Məmmədzadənin cibindən mobil telefon oğurlamaqda şübhəli bilinir.
Qeyd edək ki, Şirvan şəhər sakini Valeh Nəcəfov əvvəllər məhkum olunub.