...

5 gün əvvəl batdığı ehtimal edilən gənclərin axtarışı aparılır

Hadisə Materials 3 Sentyabr 2018 16:34 (UTC +04:00)
Mingəçevir su anbarında batdığı ehtimal olunan 24 yaşlı Kamil Hüseynov və Kürdə batdığı ehtimal edilən 20 yaşlı Elxan Quliyevin axtarışları davam edir.
5 gün əvvəl batdığı ehtimal edilən gənclərin axtarışı aparılır

Bakı. Trend:

Mingəçevir su anbarında batdığı ehtimal olunan 24 yaşlı Kamil Hüseynov və Kürdə batdığı ehtimal edilən 20 yaşlı Elxan Quliyevin axtarışları davam edir.

Trend-in Fövqəladə Hallar Nazirliyinin (FHN) saytına istinadən məlumatına görə, avqustun 29-da Mingəçevir su anbarında (nəzarətsiz ərazi) batdığı ehtimal olunan 1994-cü il təvəllüdlü Hüseynov Kamil Faiq oğlunun və Kür çayının Tovuz rayonunun Girzan kəndi ərazisindən keçən hissəsində batdığı ehtimal olunan 1998-ci il təvəllüdlü Quliyev Elxan Vüsal oğlunun axtarışları davam edir.

K.Hüseynovun axtarışlarına FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin Aran və Muğan dalğıc-axtarış qrupları, E.Quliyevin axtarışlarına Aran dalğıc-axtarış qrupu və Xüsusi Riskli Xilasetmə Xidmətinin xilasediciləri cəlb olunub.

Məqalədə:
Xəbər lenti

Xəbər lenti