Bakı. Tural Turan - Trend:
Bakı şəhərinin Sabunçu rayonunda dörd otaqlı ev yanıb.
Trend-in Fövqəladə Hallar Nazirliyinin saytına istinadən məlumatına görə, Bakı şəhərinin Sabunçu rayonunda ümumi sahəsi 80 m² olan kürsülü birmərtəbəli 4 otaqlı evin 1 otağının tavanı 35 m² sahədə və içərisindəki ev əşyaları yanıb. Evin qalan hissəsi yanğından mühafizə olunub.
Yanğın yanğından mühafizə bölmələri tərəfindən söndürülüb.