Astarada oğurluq edən Bakı sakini saxlanıldı (FOTO)

Bakı. Trend:

Astarada mənzildən 15 min manat dəyərində qızıl-zinət əşyaları oğurlayan Bakı sakini saxlanılıb.

Daxili İşlər Nazirliyinin Mətbuat Xidmətinin Lənkəran regional qrupundan Trend-ə verilən məlumata görə, Astara şəhər sakini M.Mirzəyeva yanvarın 3-də yaşadığı evdən 15 min manat dəyərində qızıl zinət əşyalarının oğurlanması ilə bağlı polisə müraciət edib. Astara RPŞ əməkdaşlarının keçirdikləri əməliyyat-axtarış tədbirləri nəticəsində oğurluğu törətmiş şəxs müəyyən edilərək saxlanılıb. Araşdırmalarla onun Bakı şəhəri Binəqədi rayon sakini,əvvəllər məhkum olunmuş Ruslan Bağıyev olduğu müəyyən edilib. Oğurladığı qızılların bir qismi ondan aşkarlanaraq maddi sübut kimi götürülüb.

Faktla bağlı araşdırma aparılır