...

Şəmkirdə iki nəfəri öldürmək istəyən şəxs həbs edilib

Hadisə Materials 11 May 2021 19:12 (UTC +04:00)
Şəmkirdə iki nəfəri öldürmək istəyən şəxs həbs edilib

Bakı. Trend:

09.05.2021-ci il tarixdə, saat 18 radələrində Musa Rüstəmov və Bakir Hüseynovun xəsarət almaları barədə rayon prokurorluğuna məlumat daxil olmuşdur.

Şəmkir rayon prokurorluğundan Trend-ə verilən xəbərə görə, aparılmış araşdırmalarla müəyyən edilmişdir ki, zərərçəkmiş Musa Rüstəmovun bibisi oğlu Ramin Mehdixanov şəxsi münasibətlər zəminində ona və həmin zaman onun yanında olan Bakir Hüseynova ov tüfəngi ilə atəş açaraq onları qəsdən öldürməyə cəhd etmişdir.

Faktla bağlı Şəmkir rayon prokurorluğunda Cinayət Məcəlləsinin 29, 120.2.4 (xüsusi amansızlıqla və ya ümümi təhlükəli üsulla adam öldürməyə cəhd) maddəsi ilə cinayət işi başlanmışdır.

Ramin Mehdixanov CM-nin qeyd edilən maddəsi ilə təqsirləndirilən şəxs qismində cəlb olunmaqla barəsində məhkəmənin qərarı ilə həbs qətimkan tədbiri seçilmişdir.

Hazırda istintaq davam etdirilir.

Məqalədə:
Xəbər lenti

Xəbər lenti